Mori gjithë vëmendjen, krahas 13 cm çelik, zbulohet VLERA e makinës së Erdogan

Ditën e djeshme (17 janar) presidenti turk Rexhep Taip Erdogan zhvilloi një vizitë zyrtare në Shqipëri, dhe për 8 orë qëndrimi në vendin tonë, kishte marrë me vete për të udhëtuar makinën e tij speciale “Mercedes-Maybach S 600 Guard”.

Makina e Erdogan renditet në listën e 10 makinave më të më të veçanta dhe të sigurta që presidentët botërorë kanë.

Vlera e makinës

Vlera e kësaj makinë është 474 mijë e 950 euro dhe çmimi i mjetit në Turqi është 20 milionë e 210 mijë e 138 lira.

Por, duke qenë se ajo është e fortifikuar, kostoja e “Mercedesit” shkon në 1.6 milion euro.

Siguria e saj

“Maybach-i” i Erdogan është një version i përmirësuar i blinduar i S600 me një trup të përforcuar të ndërtuar me aliazh titani dhe ka dyer rezistente ndaj plumbave pesë inç të trasha që mund t’i rezistojnë zjarrit të lehtë të mitralozit.

Makina është plotësisht e izoluar nga jashtë për të shmangur sulmet kimike dhe përdor goma të përforcuara me kabllo të brendshme çeliku me trashësi 13 cm.

Presidenca turke bleu tre makina të tilla dy vjet më parë duke shkaktuar reagime të shumta në vend për shkak të kostos së lartë. Ai e ka marrë me vete dhe gjatë një vizite zyrtare në Amerikë./albeu.com

 


Shtuar 18.01.2022 11:11