Numri 2 i PS, Taulant Balla ka paralajmëruar shkarkimin e presidentit Meta, teksa thotë se me përfundimin e numërimit të votave do të bëhen gati letrat për të nxjerrë ”në pension” Metën.
“Me Baba Dridhe Liken çuditen vetëm ata që s’e kuptojnë akoma që i ka lëshuar pëllumbat përfundimisht! Askush s’ka pritur të mbajë fjalën për dorëheqje! Po ja të mbarojë procesi i numërimit dhe t’ia bëjmë gati letrat e pensionit, të pijë raki me çifteli me Saliun ke azili Lalzit!”, shkruan Balla në postimin e tij.
Pak më parë, zëdhënësi i kreut të Shtetit, Tedi Blushi ka konfirmuar se një gjë e tillë nuk do të ndodhë dhe Meta do të vijojë të mbajë postin e presidentit.
“Për të gjithë sahanlëpirësit e Bablokut: Presidenti Meta di vetëm TË MBAJË FJALËN! Presidenti Meta e ka bërë të qartë se nëse Edi Rama fiton 71 mandate në mënyrë demokratike do të japë dorëheqje. E gjithë Shqipëria e di si i ka fituar Babloku këto zgjedhje, ndaj qetësohuni: NUK KA DORËHEQJE!”, shprehet Blushi.
