Me pankarta në duar, qytetarët dalin në protestë edhe në Kukës

Një grup të rinjsh u mblodh pasditen e sotme në sheshin kryesor të qytetit të Kukësit, në shenjë mbështetjeje për protestën që po zhvillohet në Tiranë kundër projektit të Zvërnecit.

Pjesëmarrësit shprehën solidaritetin e tyre me qytetarët që kundërshtojnë zbatimin e projektit, duke theksuar se qeveria nuk mundë ta shesë atdheun. Të rinjtë deklaruan se do të vijojnë të mbështesin protestën dhe të marrin pjesë në tubimet në ditët në vijim.