Kryeministri Edi Rama po mban fjalën e tij në Asamblenë e PS ku pritet të dalin për herë të parë emrat e qeverisë së re.
Gjatë fjalës së tij kryeministri Rama është shprehur i lumtur për besimin e shqiptarëve për një mandat të tretë duke pretenduar hapur dhe për një mandat të katërt.
Emrat e ministrave të kabinetit “Rama 3” ende nuk janë zyrtarizuar por vendet i kanë gati.
Në Pallatin e Kongreseve, poltronët janë me një pullë të veçantë, të pazëna nga askush dhe të caktuara për ministrat e rinj të Ramës.
Vetëm pas apelit të kryesocialistit do të mësohet se kush do t’i zërë ato vende bosh.
Rama i ekzaltuar për mandatin e tretë por nuk dorëzohet: Do fitoj një mandat të katërt!
Edi Rama: Herën e 4 do e kemi më të vështirë se të 3. Detyra jonë ndaj të gjithëve që na besuam është të bëjmë të amundurën për tja dalë të rikonformohemi përsëri pas 4 vjetësh.
Miq sot do tu flas shumë hapur dhe do tu them që skam qenë asnjëherë më i trazuar pas një fitoreje politike se këtë herë. Jo se sfidat e mëparshme kanë qenë më të lehtë, por se sa më shumë gara fiton aq më shumë rrezikon të humbasësh sensing e vetëkorrigjimit.
Duhet të ngulim këmbët në tokë dhe të shtrijmë sytë sa më larg në horizont. Na duhet një forcë e re një pasion i ri politik, një kapërcim i r ii vetevetes për ta ngjitur më lart Shqipërinë. Duhet të ngulmojmë më fort se më parë në punën tonë.
5500 dyert e organizatave tonë në Shqipëri duhet të bëhen 5500 dyer të hapura mundësish për qindar mijëra njerëz për të kultivuar qytetarinë demokratike, mendimin dhe aktivizmin politik. Vullnetarizmin dhe solidaritetin social, për të debatuar tema me interes publik. /albeu.com/
