Analisti Edvin Kulluri, gjatë një interviste në Neës 24 me Ola Brukon, tha se samiti i NATO-s në Shqipëri po vihet në diskutim, pasi kërkon garanci të larta për sigurinë kibernetike dhe atë fizike, ndërsa ende mbeten të pazgjidhura çështje si KAYO dhe të dhënat e TIMS-it, për të cilat sipas tij ekzistojnë ende dyshime.
Sipas Kullurit, ekzekutivi ka nënshkruar kontrata me kompani që nuk i përkasin vendeve anëtare të NATO-s, gjë që ai e cilësoi si një lëvizje me konfuzion të theksuar gjeopolitik.
Të lidhura
None found
“Nuk kemi ende asnjë informacion se kush i mori të dhënat e AKSHI-t, nuk dihet se ku përfunduan të dhënat e TIMS dhe nëse ato kanë shkuar në vende dashakeqëse. Kemi një memorandum të tillë si “Smart City” që ende nuk dihet nëse SPAK-u do ta hetojë për mënyrën si është lidhur kontrata.Samiti kërkon maksimumin e sigurisë fizike dhe kibernetike.KAYO mbart shumë hije dyshimi, edhe ata që zotërojnë kompanitë nuk vijnë nga vende anëtare të NATO-s.Më parë kontratat bëheshin me kompani nga shtetet e NATO-s dhe ne kemi pasur marrëdhënie të shkëlqyera me Turqinë dhe Italinë.Marrëdhëniet ushtarake nuk duhen mbajtur me vende ndaj të cilave kemi detyrim moral; ne duhet të kemi ndërveprim me NATO-n.Si mund të zhvillohet një samit me këto thagma dhe çmendurira?Shuma e këtyre veprimeve dhe çoroditja gjeostrategjike është ulëritëse. Nuk ka ndodhur kurrë që kapacitetet të çohen në një drejtim të panjohur; ne nuk jemi vend i Lindjes së Mesme, aleatët i kemi në Evropë, s’mudn të lidhim kontrata me Namibinë, Brazilin dhe Korenë e Jugut”, tha Kulluri.
