Vijon situata e tensionuar në Roskovec të Fierit, ku Refit Buzi, ka refuzuar të dorëzohet te policia pas disa orësh negociatash.
Sipas informacioneve paraprake, Buzi është futur brenda automjetit të tij dhe vijon rezistencën, ndërsa efektivët e policisë po përpiqen ta bindin.
Të lidhura
None found
Në vendngjarje janë vendosur forcat speciale RENEA, të cilat prej disa orësh ndodhen në terren.
Efektivë të pajisur me snajperë janë pozicionuar në zonë, ndërsa perimetri është rrethuar nga forcat e sigurisë.
Ngjarja vjen që prej orëve të para të mëngjesit, ku Buzi bastisi shtëpinë ish-partneres së tij dhe vrau me armë ish-vjehrrin, plagosi nëën e 24-vjeçares dhe mbajti peng për disa orë këtë të fundit.
