Kostaq Papa shfrytëzon ditët e fundit e qan hallin në Kuvend: Më ktheni shtëpinë!

“Takova dhe drejtues të pushtetit lokal të kryeqytetit të Tiranës ku unë jam si deputet për ta mbyllur këtë gjë sipas të drejtës që më takon. Qoftë edhe pas 50vitesh. Dhe pse shteti nuk më kthen dot fëmijërinë por të paktën të më kthejë shtëpinë…”

Deputeti opozitar i Kuvendit, Kostaq Papa, teksa ka qenë duke folur në seancën e sotme plenare, ndër të tjera ka bërë një kërkesë të çuditshme, që t’i kthehet një shtëpi, të cilën pretendon se ia ka marrë shteti 50 vite më parë.

“ILDKP është një institucion i rëndësishëm dhe ne i përgjigjemi sa herë na kërkon pasuritë. Unë i listova pasuritë e mia por njëra prej tyre edhe pse është e listuar nuk ekziston.

Shteti ka ende pasuri që ia ka marrë qytetarëve në mënyrë të paligjshme. Kështu edhe mua para 50 vitesh kur unë isha i vogël shteti më mori rininë, fëmijërinë më mori dhe shtëpinë. Dhe ende nuk ma ka kthyer. Dhe unë iu drejtova kryeparlamentarit.

Ai tha se do më ndihmonte. Për dijeni dhe kryeministrit. Takova dhe drejtues të pushtetit lokal të kryeqytetit të Tiranës ku unë jam si deputet për ta mbyllur këtë gjë sipas të drejtës që më takon. Qoftë edhe pas 50vitesh. Dhe pse shteti nuk më kthen dot fëmijërinë por të paktën të më kthejë shtëpinë.

Unë i kam listuar pasuritë e mia aty. Por shteti më mban akoma. Kur shteti vepron me ne kështu mendoni si vepron me qytetarët e thjeshtë”, -u shpreh ndër të tjera deputeti Papa në Kuvend.


Shtuar 24.06.2021 12:23