Një aksident rrugor ka ndodhur mbrëmjen e sotme (28 maj) në Rrugën e Kombit.
Një makinë e tonazhit të rëndë, me targa AB891KA ka dalë nga rruga dhe është përplasur në vendin e quajtur Kolsh.
Të lidhura
None found
Nga raportimet e para mësohet se fatmirësisht drejtuesi i mjetit ka arritur të dalë nga mjeti.
Paraprakisht dyshohet se sistemi i frenimit ka qenë shkaku i ngjarjes.
Aksidenti ka shkaktuar vështirësi në qarkullimin rrugor, pasi një nga korsitë është bllokuar.
Policia Rrugore ka shkuar në vendngjarje për të nisur hetimet dhe disiplinuar trafikun, me qëllim kthimin në normalitet.
