Humb jetën një 50-vjeçar pas aksidentit në Lezhë

Një 50-vjeçar ka ndërruar jetë mbrëmjen e sotme në Lezhë, pas një aksidenti rrugor.

Sipas informacionit paraprak të policisë, ngjarja ndodhi rreth orës 19:30 në aksin rrugor dytësor Spiten–Hidrovorë. Shtetasi me inicialet Sh. Gj., 50 vjeç, po drejtonte një motomjet kur humbi kontrollin mbi të.

Si pasojë, motomjeti doli nga rruga dhe drejtuesi humbi jetën.

Grupi hetimor, nën drejtimin e Prokurorisë, vijon punën për të përcaktuar rrethanat dhe shkakun e saktë të aksidentit.