Në lidhje me helmimin e 64 studentëve të Akademisë së Sigurisë, hetuesit po grumbullojnë prova, ndërsa vendimmarrja për personat që mund të vihen nën hetim do t’i takojë Prokurorisë.
Deri në këtë fazë të hetimeve për këtë skandal të dytë, nuk është marrë ende asnjë person nën hetim.
Të lidhura
None found
Nga Komisariati Nr. 1 në Tiranë është marrë në pyetje administratorja e kompanisë Sori-Al, Alma Tafani, e cila ka deklaruar se furnizimi me ushqim për studentët e Akademisë së Sigurisë është kryer çdo ditë, në përputhje me përcaktimet e kontratës.
Sipas dëshmisë së saj, çdo vakt është përgatitur dhe më pas është shpërndarë duke ndjekur procedurat normale dhe duke respektuar kushtet higjieno-sanitare.
Në pyetje janë marrë gjithashtu edhe kuzhinieri, pjesëtarë të tjerë të stafit që bëjnë ndarjen e ushqimit në porcione për studentët, punonjësit e shpërndarjes, si edhe vetë studentët e helmuar.
