Gjendet trupi i pajetë i një 60-vjeçari në kryeqytet

Një person pa shenje jete është gjetur sot pasdite në Rrugën ‘Dëshmorët e Kombit’ në Prishtinë në Prishtinë. Zëdhënësi i Policisë së Kosovës për rajonin e Prishtinës, Agron Borovci konfirmoi për Telegrafin se rasti ka ndodhur rreth orës 17:00.

“Rreth orës 17:00, kemi pranuar informatën për një trup të pa jetë, në rrugën ‘Dëshmorët e Kombit’ në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull rreth 60 vjeç”, deklaroi ai.

Borovci tha më tej se rasti po hetohet si vdekje e dyshimtë.

“Aktualisht policia me kujdes të shtuar ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”, bëri të ditur Borovci.


Shtuar 30.07.2021 23:26