Një 78-vjeçar me iniciale M. K., në Vlorë, është gjetur pa jetë në banesën e tij. Trupi i të moshuarit ishte dekompozuar.
Mësohet se ai jetonte vetëm. Policia dhe grupi hetimor po punojnë për sqarimin e rrethanave të ngjarjes. Sipas hetimeve paraprake, dyshohet se i moshuari ka ndërruar jetë për shkaqe natyrale.
Njoftimi i policisë:
Vlorë/Informacion paraprak
Sot, rreth orës 09:45, në lagjen “Lef Sallata”, është gjetur i pa jetë në banesën e tij ( i dekompozuar) shtetasi M. K., 78 vjeç, i cili jetonte vetëm.
Grupi hetimor ndodhet në vendngjarje dhe po punon për sqarimin e rrethanave të ngjarjes dhe për zbardhjen e plotë të shkakut të vdekjes, ku nga hetimet paraprake dyshohet se ka ndërruar jetë për shkaqe natyrale./albeu.com