Një tjetër mbytje raportohet të ketë ndodhur pak minuta më parë në bregdetin shqiptar.
Burimet bëjnë me dije se një pushues dyshohet të jetë mbytur në plazhin e Velipijës.
Policia njofton se rreth orës 11:15, në plazhin e Velipojës, shtetasi H. H. rreth 59 vjeç, dyshohet se është mbytur në det. Grupi hetimor ndodhet në vendngjarje dhe po punon për sqarimin e rrethanave të ngjarjes.
Rikujtojmë se pak minuta më parë u raportua se dy pushues maqedonas kanë ndërruar jetë mes dallgëve në Kavajë, në plazhin e Spillesë.
Dyshohet se ata janë të moshës rreth 70-vjeçare dhe dyshohet se mbytje ka ndodhur për shkak të arrestit kardiak që kanë pësuar në det.
NJOFTIMI ZYRTAR/ KAVAJË:
Kavajë/Informacion paraprak
Rreth orës 11:25, në plazhin e Spillesë, dy shtetas të gjinisë mashkullorerreth 70 vjeç, dyshohet se si pasojë e dallgëve janë mbytur në det.
Shtetasit që humbën jetën si pasojë e mbytjes në det janë M. M., 79 vjeç dhe C. M., 78 vjeç, pushues nga Maqedonia e Veriut.
Vijon puna nga Grupi hetimor për sqarimin e rrethanave të ngjarjes.
