Qytetarët kanë dalë në rrugë për të 97-ën ditë radhazi, duke kërkuar largimin e kryeministrit Edi Rama dhe qeverisë së tij. Protestuesit e cilësojnë dorëheqjen e kreut të qeverisë si një kërkesë kryesore, për të cilën nuk pranojnë negociata.
Edhe gjatë mbrëmjes së sotme, pjesëmarrësit janë tubuar me pankarta dhe kanë lëshuar thirrje kundër qeverisë e klasës politike. Ata kanë deklaruar se nuk do ta ndërpresin qëndresën deri në realizimin e kërkesave të tyre.
Të lidhura
None found
“Shqiptarët e bashkuar, pushteti i tmerruar” dhe “Shqipëria kërkon revolucion” kanë qenë disa prej thirrjeve të dëgjuara në protestë, përmes të cilave qytetarët kanë shprehur pakënaqësinë ndaj qeverisjes aktuale.
Duke e konsideruar qëndresën një betejë për ndryshim politik, protestuesit kanë paralajmëruar se mobilizimi do të vazhdojë edhe gjatë ditëve të ardhshme.
Ata kanë njoftuar gjithashtu zhvillimin e një proteste masive më 12 shtator.
