Shqipëria ka nisur përgaditjet për të mirëpritur fillimisht 350 afganë, sipas marrëveshje me të cilën ka rënë dakord shtetit shqiptar.
Burimet bëjnë me dije se Shqipëria pret gjithsej deri në 2 mijë afganë ndërkohë po punohet për strehimet e ardhjes së parë.
Të ardhurit mësohet se do të strehohen mes Tiranës edhe Durrësit, në hotele si dhe në konviktet e nxënësve.
Në Tiranë, aktualisht është duke u kontrolluar kapaciteti i konvikteve të universiteteve dhe shkollave të mesme.
Një pjesë e madhe e afganëve do të qëndrojnë përkohësisht në godinat e qytetit studenti, ose në konviktet e tjera në kryeqytet.
Ndërkohë që, në aeroportin e Kabulit avionët janë duke u mbushur me afganë që po largohen me shpejtësi pasi talebanët morën kontrollin e Afganistanit.
Rikujtojmë se jo çdo person do të lejohet të strehohet në Shqipëri, por sipas marrëveshjes është specifikuar që do të pranohen vetëm ata që kanë qenë bashkëpunëtorë të aleancës NATO-SHBA, ose gra aktiviste dhe intelektualë. /albeu.com/
