Një projekt-marrëveshje e re për të shmangur ndikimet më të këqija të ndryshimeve klimatike pritet të shpallet në orët e ardhshme pasi bisedimet në samitin COP26 në Skoci kaluan afatin e së premtes.
Pikat kryesore përfshijnë subvencionet për qymyrin dhe lëndët djegëse të tjera fosile, dhe ndihmën financiare për kombet më të varfra, raporton albeu.com.
Të premten, të dërguarit nga vendet e vogla ishullore të kërcënuara nga rritja e nivelit të detit thanë se toka e tyre po zhdukej me shpejtësi.
Presidenti i konferencës, Alok Sharma, tha se kishte në plan të publikonte një projekt-marrëveshje të ndryshuar në orën 08:00 të shtunën bazuar në konsultimet që vazhduan deri në orët e vona të natës.
Një seancë plenare formale për të miratuar vendimet përfundimtare të samitit është parashikuar të shtunën pasdite, shtoi Sharma.
Shkencëtarët thonë se kufizimi i ngrohjes në 1.5 gradë Celsius krahasuar me nivelet para-industriale do të na mbrojë nga ndikimet më të rrezikshme të ndryshimeve klimatike. Është një pjesë kyçe e marrëveshjes së Parisit, të cilën shumica e vendeve e nënshkruan, raporton albeu.com.
Përmbushja e qëllimit kërkon që emetimet globale të reduktohen me 45% deri në vitin 2030 dhe përgjithësisht zero deri në vitin 2050. Një shembull i ndikimit të rritjes së temperaturës globale mbi 2 gradë Celsius është “vdekja” e pothuajse të gjithë shkëmbinjve koralorë, thonë shkencëtarët./albeu.com
