Kryeministri izraelit Benjamin Netanyahu, në një intervistë për Fox News, ka deklaruar se ndan të njëjtat qëllime me presidentin amerikan Donald Trump për të parandaluar programin bërthamor të Iranit.
“Unë dhe Trump ndajmë të njëjtat qëllime për Iranin, pavarësisht nëse ka marrëveshje apo jo, Teherani nuk do të pajiset me armë bërthamore,” tha Netanyahu.
Të lidhura
None found
Netanyahu shtoi se Trump beson se pas goditjeve që Izraeli dhe Shtetet e Bashkuara i kanë shkaktuar Iranit, ka hapësirë për presion diplomatik.
“Ne e respektojmë këtë dhe shpresoj se do të ketë sukses. Por mund t’ju them këtë: me ose pa një marrëveshje, për sa kohë që unë jam kryeministër, Irani nuk do të pajiset me armë bërthamore,” tha ai.
Ai shtoi se “negociatat nuk janë të plota” dhe se do t’i vlerësojë vetëm kur të ketë një rezultat përfundimtar. Gjithashtu Netanyahu e përshkroi marrëdhënien me Trump si një raport miqësor e aleatësh.
“Ne duam ta shohim Iranin të braktisë programin e tij të armëve bërthamore. Ne duam që materiali bërthamor i pasuruar të hiqet. Ne duam që objektet e pasurimit bërthamor të çmontohen. Kemi qëllime të tjera të përbashkëta. Më besoni, kur kam gjëra që dua të theksoj, unë shpreh lirisht mendimin tim. Dhe kur ai ka diçka për të më thënë, bën të njëjtën gjë. Kjo është ajo që miqtë dhe aleatët i bëjnë njëri-tjetrit.” tha Netanyahu.
