Numri i rasteve të kollës së mirë në Republikën Çeke po rritet me shpejtësi, paralajmëruan sot autoritetet shëndetësore të vendit, pasi tre persona vdiqën nga sëmundja e frymëmarrjes.
Vendi me 10.9 milionë banorë ka regjistruar 7,888 raste të kollës së mirë që nga fillimi i vitit, sipas Institutit Kombëtar të Shëndetit Publik.
Javën e kaluar, autoritetet shëndetësore numëruan 1,494 raste të reja, rritja më e madhe javore këtë vit.
Sipas të dhënave zyrtare, shpërthimi është më i madhi që nga viti 1959, kur filluan vaksinimet.
Vaksinimi është i detyrueshëm në Republikën Çeke, por vaksinat përforcuese nuk janë dhe disa njerëz refuzojnë t’i bëjnë ato.
Adoleshentët janë grupmosha më e prekur, pasi prindërit shpesh shpërfillin rekomandimet për një injeksion përforcues në moshën 10 ose 11 vjeç, thekson Pavla Svrcinova, një zyrtar i lartë shëndetësor çek.
“Nga totali (nga 7,888 raste të sëmundjes), janë vaksinuar 5,808 persona”, thuhet në faqen e tij të Institutit të Shëndetit Publik, duke shtuar se janë shtruar 183 pacientë.
Tre çekë që u sëmurën kanë vdekur këtë vit: një burrë 62-vjeçar, një grua 84-vjeçare dhe një i porsalindur./ D.M
