Pamjet e një përplasjeje mes dy mjeteve lundruese në ujërat e Singaporit janë publikuar në rrjetet sociale.
Në incident u përfshinë anija e mallrave “First Margaux”, që lundron nën flamurin e Panamasë, dhe anija kineze e peshkimit “Luqing Yuanyu 108”.
Të lidhura
None found
Goditja i shkaktoi dëme të konsiderueshme varkës së peshkimit, e cila u anua fort në drejtim të detit. Në videon e regjistruar shfaqen marinarët teksa përpiqen të qëndrojnë në këmbë dhe të ruajnë ekuilibrin, ndërsa uji kishte mbuluar kuvertën.
Regjistrimi pasqyron rrezikun me të cilin u përball ekuipazhi pas përplasjes, në një moment kur mjeti i peshkimit vazhdonte të qëndronte i pjerrët.
Ende nuk dihet nëse përplasja ka shkaktuar viktima. Po ashtu, deri tani nuk janë bërë të ditura shkaqet që çuan në incidentin mes dy anijeve.
