Kryeministri i Izraelit, Benjamin Netanyahu, deklaroi mbrëmjen e sotme se i ka thënë presidentit amerikan, Donald Trump, se vendi i tij do të sulmojë objektiva “terroriste” në Beirut, nëse Hezbollah nuk ndalon sulmet ndaj qyteteve izraelite.
“Forcat Mbrojtëse të Izraelit do të vazhdojnë të veprojnë sipas planit në jug të Libanit,” shtoi ai, duke iu referuar ushtrisë izraelite.
Të lidhura
None found
“Mbrëmë, bisedova me Presidentin Trump dhe i thashë se nëse Hezbollah nuk ndalon sulmet ndaj qyteteve dhe qytetarëve tanë, Izraeli do të sulmojë objektiva terroriste në Beirut. Qëndrimi ynë mbetet i pandryshuar”, tha ai më tej.
Më parë, deputeti i Hezbollah, Hasan Fadlala, tha për televizionin Al Manar, që i përket organizatës, se Hezbollah do të mbështesë një armëpushim të plotë në të gjithë Libanin, si hap drejt tërheqjes së forcave izraelite.
“Organizata do të monitorojë zbatimin e armëpushimit gjatë ditëve në vijim“, shtoi ai.
