Pasagjerët e metrosë së Londrës u përballën me një pamje të rrallë gjatë fundjavës, kur Princesha e Uellsit, Kate Middleton, u shfaq në transportin publik së bashku me vajzën e saj 11-vjeçare, Princeshën Charlotte.
Të dyja udhëtuan në linjën “Elizabeth”, e cila mban emrin e Mbretëreshës Elizabeth II, stërgjyshes së Charlotte-s. Ato qëndruan ulur pranë njëra-tjetrës, ndërsa një prej udhëtarëve e filmoi momentin.
Të lidhura
None found
Sipas ABC-së, Kate dhe Charlotte zbritën në stacionin “Tottenham Court Road”, në qendër të Londrës. Zona është e njohur për numrin e madh të dyqaneve, muzeve dhe teatrove.
Udhëtimi u krye në kuadër të një daljeje private familjare, ndërsa Pallati i Kensingtonit nuk ka dhënë asnjë koment për këtë rast.
Një ditë më herët, Kate Middleton kishte qenë në Irlandën e Veriut me bashkëshortin e saj, Princin William, trashëgimtarin e fronit britanik.
Shfaqja e tyre në metro tërhoqi vëmendje të veçantë, pasi anëtarët e familjes mbretërore britanike rrallë përdorin transportin publik gjatë jetës së përditshme.
