Këtë të enjte, në një deklaratë për mediat jashtë ambienteve të Parlamentit, kreu i Partisë Demokratike, Sali Berisha, dënoi sipas tij kërcënimin që Edi Rama i ka bërë prokurorit të dosjes së Belinda Ballukut, e cila është nën hetim nga SPAK për disa dosje penale.
Berisha u shpreh me garanci “se prokurori është kërcënuar”.
Gjithashtu, ai deklaroi se Rama nuk e pranon këtë, por theksoi se “është i regjistruar”.
Berisha: Dënoj ndërhyrjen brutale të Edi Ramës pranë prokurorit që ka dosjen e Lubi Ballukut, telefonatën kërcënuese që i ka bërë atij dhe cdo kërcënimi tjetër që i është bërë një prokurori që i gjetur para dëshmitarëve dhe fakteve të pakundërshtueshme ka marrë vendimin e duhur.
Pyetje: Keni prova është është kërcënuar prokurori?
Berisha: Ju them me garanci që është kërcënuar, Rama nuk e pranon dot, por është i regjistruar.
Altin Dumani është pak a shumë ai që i ka thënë, po e perifrazoj “mendo për kokën tëndë”, por kërcënimi i Ramës është më i rëndë.
