Drejtori i Institutit të Sigurimeve Shoqërore, Astrit Hado, deklaroi sot se rritja e pensioneve kërkon fonde, të cilat skema nuk i ka.
Sipas tij, indeksimi prej 4.1% që ka kryer ISSH në muajin tetor nuk ishte rritje, por ishte indeksim për ruajtjen e fuqisë blerëse.
Të lidhura
None found
“Sot në botë ka disa mënyra indeksimi pensionesh që përfshin rritjen ekonomike në vend, inflacionin dhe indeksimin e pagave. Ne kemi zgjedhur këtë mënyrë, indeksin e ndryshimeve të çmimeve”, tha ai.
Kreu i ISSH-së, Hado theksoi më tej se shqetësimi publik dhe i ISSH, është që kemi kaluar nga risku i qëndrueshmërisë financiare të skemës në krahun që duhet të shikojmë te mjaftueshmëria e pensioneve.
Lufta ndaj informalitetit sipas tij, është një rrugë për përmirësimin e skemës.
Hado shpjegoi se nuk ka pasur rritje pensionesh në vitet e fundit, por indeksim dhe bonuse.
“Të paktën në 15 vitet e fundit nuk ka pasur asnjë rritje pensionesh, vetëm indeksim, sepse dhe filozofia e pensionit kjo është, caktohet një herë dhe pastaj mirëmbahet fuqia blerëse e parasë”, tha ai.
