Në një njoftim të publikuar në Facebook, Ambasada e Shteteve të Bashkuara në Prishtinë ka bërë të ditur se zyrtari i saj për çështje ekonomike, Bradley Johansen, ka diskutuar në panelin “Infrastruktura kritike – Energjia dhe Aviacioni”.
Gjatë këtij paneli, Johansen theksoi rëndësinë e furnizuesve të besueshëm, të infrastrukturës së sigurt dhe të zinxhirëve të qëndrueshëm të furnizimit për tërheqjen e investimeve dhe mbrojtjen e inovacionit në Kosovë.
Të lidhura
None found
Ambasada e SHBA-së ka ripohuar se Uashingtoni është i gatshëm të bashkëpunojë me Kosovën për forcimin e sigurisë së infrastrukturës, qëndrueshmërisë ekonomike dhe zgjerimin e mundësive për investime amerikane.
Po ashtu, ambasada vuri në dukje se SHBA-ja është e gatshme të punojë me Kosovën për avancimin e infrastrukturës së sigurt dhe të besueshme, forcimin e qëndrueshmërisë ekonomike dhe hapjen e mundësive të reja për investime amerikane dhe partneritete në fushën e teknologjisë.







