Komandanti i KFOR-it, Ozkan Ulutash, ka bërë të ditur se prania e misionit të NATO-s në Urën e Ibrit në Mitrovicë do të kalojë gradualisht në një formë tjetër.
Të lidhura
None found
Sipas deklaratës së tij për Kosovo Online, ky ndryshim është pjesë e procesit më të gjerë për optimizimin e pranisë së KFOR-it në Kosovë.
Ulutash ka sqaruar se kalimi nga prania e përhershme në urë po zhvillohet mbi kushte të caktuara dhe në bashkërendim të ngushtë me Policinë e Kosovës, EULEX-in dhe aktorët e tjerë përkatës.
Ai ka nënvizuar se ky riorganizim nuk do të thotë se KFOR-i po tërhiqet nga pjesa veriore e Kosovës.
“KFOR-i do të vazhdojë të mbajë një prani të dukshme në veri dhe jug të Mitrovicës dhe në të gjithë veriun e Kosovës”, ka deklaruar komandanti i KFOR-it.
