Protesta “Jo në emrin tim” do të vijojë sonte në sheshin “Skënderbeu” në Prishtinë, duke hyrë në natën e 13-të. Mes folësve të mbrëmjes do të jetë edhe aktori Kushtrim Sheremeti.
Të lidhura
None found
Veprimtaria do të hapet me interpretimin e “Betimit të Ushtarit” nga veterani Bekim Juniku. Në vijim, fjalën do ta marrin organizatori Çlirim Haziri, gazetarja nga Shqipëria Denada Kola dhe aktori Kushtrim Sheremeti.
Pjesë e programit do të jetë edhe shfaqja në ekranin LED e videos “Rrëfimi i ushtarit”. Gjithashtu, veterani Bekim Juniku do të rrëfejë përvojën e tij personale.
Gjatë mbrëmjes është planifikuar një interpretim i Luan Jahirit kushtuar Epopesë së Jezercit, si dhe një këngë ushtarake.
Protesta do të përfshijë edhe aksionin simbolik “Një minutë heshtje për drejtësinë”.
Aktiviteti nis në orën 21:00, në sheshin “Skënderbeu” në Prishtinë.
