Ushtruesja e detyrës së presidentes së vendit, Albulena Haxhiu, ka takuar anëtarët e korit “Siparantum”, të cilët në Kuala Lumpur u shpërblyen me dy medalje të arta dhe një çmim special.
Të lidhura
None found
Përmes një postimi në Facebook, Haxhiu tha se kori u përball me më shumë se 200 ansamble korale nga vende të ndryshme të botës, duke prezantuar vepra që përcjellin muzikën, kulturën dhe historinë shqiptare.
Ajo veçoi gjithashtu rolin e muzikës së kompozitorëve shqiptarë në repertorin e “Siparantum”-it, e cila po prezantohet para publikut ndërkombëtar.
Haxhiu përgëzoi të gjithë anëtarët e korit, ndërsa vlerësim të veçantë shprehu për dirigjentin dhe kompozitorin Memli Kelmendi, për punën dhe përkushtimin që e kanë bërë “Siparantum”-in të njohur në skenën ndërkombëtare.
Ushtruesja e detyrës së presidentes uroi që kori të vijojë ta nderojë Kosovën përmes punës dhe sukseseve të tij.
