Gjatë inspektimit të një barnatoreje në Prishtinë, Dogana e Kosovës ka konfiskuar 209 pako me barna të kontrabanduara.
Të lidhura
None found
Kontrolli u krye të enjten, pasi institucioni kishte marrë informacione nga qytetarët, bëhet e ditur në një njoftim të publikuar në Facebook.
Zyrtarët doganorë gjetën brenda objektit një hapësirë të fshehtë dhe të modifikuar, në të cilën ishin vendosur barnat.
Dogana njoftoi në Facebook se të gjitha barnat e zbuluara në atë hapësirë janë sekuestruar dhe se rasti do të procedohet sipas legjislacionit në fuqi dhe procedurave përkatëse. Institucioni theksoi gjithashtu angazhimin për luftimin e kontrabandës dhe tregtisë së kundërligjshme, si dhe për mbrojtjen e shëndetit publik dhe tregut të ligjshëm.
