Beshir Hamza dyshohet se është personi i përfshirë në vrasjen e rëndë që ndodhi mbrëmjen e së dielës në fshatin Zlipotok të Dragashit, mëson media.
Sipas burimeve të Sinjalit, ngjarja ka ndodhur pas një përleshjeje mes disa personave, ku viktima G. T. dyshohet se është sulmuar me mjet të mprehtë dhe si pasojë ka marrë plagë fatale.
Të lidhura
None found
Policia është njoftuar për rastin rreth orës 23:15. Kur ka mbërritur në vendin e ngjarjes, ka hasur 46-vjeçarin të shtrirë në gjendje të rëndë, ndërsa ekipi mjekësor i QKMF-së në Dragash ka konstatuar se ai kishte ndërruar jetë.
Pas kryerjes së ngjarjes, i dyshuari është larguar nga vendi i krimit dhe ende ndodhet në arrati.
Policia e Kosovës në Dragash, përmes njësive patrulluese dhe në bashkëpunim me njësitet rajonale, po zhvillon kërkime intensive për ta lokalizuar dhe arrestuar atë.
Në vendin e ngjarjes kanë dalë hetuesit rajonalë, komandanti i Stacionit Policor në Dragash dhe Prokurori kujdestar, ndërsa veprimet hetimore për ndriçimin e plotë të rrethanave të vrasjes po vazhdojnë.
