Adriana Matoshi i preku të gjithë pak ditë më parë kur tregoi se po përballet sërish me tumorin 9 vite pasi e kishte fituar një betejë me të. Figura të shumta publike dhe pafund qytetarë u solidarizuan dhe treguan mbështetjen e plotë për aktoren. Ditën e djeshme ajo iu nënshtrua operacionit dhe gjithçka shkoi mirë. Por, si vijon gjendja e saj shëndetësore?
Një mikeshë e Adrianës ka thënë për “KlanKosova” se ajo fatmirësisht ndodhet në gjendje të qëndrueshme shëndetësore dhe se tashmë ka dalë nga kujdesi intensiv.
“Është mirë, në gjumë, nën efektin e terapisë pas ndërhyrjes. Po kujdesem për të gjatë gjithë kohës së bashku me familjarët e saj”, deklaroi mikja e saj që po i qëndron afër.
