Qeveria e Kosovës i ka dërguar sot Kuvendit 11 projektligje, por mes tyre nuk është përfshirë Projektligji për ndryshimin e Ligjit për Dhomat e Specializuara. Këtë e bëri të ditur deputetja e PDK-së, Blerta Deliu-Kodra, në emisionin “DPT te Fidani”.
Të lidhura
None found
Pas këtij zhvillimi, Deliu-Kodra njoftoi se PDK-ja do të mblidhet nesër herët në mëngjes për të diskutuar situatën.
Ajo e cilësoi vendimin si të paprecedentë dhe si shpërfillje ndaj nevojës emergjente të Kosovës, situatës politike në vend dhe mijëra qytetarëve që prej 14 netësh po protestojnë në kryeqytet.
Sipas deputetes, njoftimi zyrtar për procedimin e projektligjeve iu dërgua deputetëve përmes postës elektronike pas orës 15:00. Ky veprim, tha ajo, ka shkaktuar habi dhe ka ngritur dyshime brenda grupit parlamentar.
Deliu-Kodra theksoi se iniciativa ligjore e PDK-së ishte përcjellë nga Kuvendi në Qeveri që më 23, ndërsa Ministria e Drejtësisë kishte pasur kohën dhe mundësinë e nevojshme për ta proceduar atë me urgjencë.
