Komisariati i Policisë së Sarandës ka ndërmarrë një megaoperacion kundër shpërndarjes së lëndëve narkotike në zonën bregdetare. Aksioni ka përfunduar me arrestimin e disa personave dhe me sekuestrimin e armëve të zjarrit, kokainës dhe kanabisit.
Operacioni vijon ende, ndërsa ndërhyrja e policisë lidhet me shqetësimet e qytetarëve për përhapjen e trafikut të drogës në qytet.
Të lidhura
None found
Burime nga terreni bëjnë me dije se mes personave të ndaluar dyshohet të jenë edhe individë që cilësohen si drejtuesit kryesorë të grupeve përgjegjëse për shpërndarjen e lëndëve narkotike në të gjithë zonën e Sarandës.
Gjatë kontrolleve, efektivët kanë gjetur dhe sekuestruar sasi të konsiderueshme kokaine e kanabisi, si edhe armë zjarri që dyshohet se përdoreshin nga pjesëtarët e rrjetit kriminal.
