Katërmbëdhjetë protestuesit e ndaluar gjatë tubimit të 1 shtatorit përpara Kryeministrisë janë liruar nga ambientet e Policisë. Gjykata e Tiranës vendosi këtë të premte, më 4 shtator, se arrestimi i tyre ishte i paligjshëm.
Trupa gjykuese hodhi poshtë kërkesat e Prokurorisë, e cila kishte kërkuar caktimin e masës së sigurisë “detyrim për paraqitje”, si dhe ndalimin e hyrjes së tyre në territoret e komisariateve 1, 2 dhe 3.
Të lidhura
None found
Pasi e vlerësoi të paligjshme procedurën e shoqërimit, gjykata urdhëroi lirimin e menjëhershëm të të gjithë të arrestuarve, pa vendosur ndaj tyre asnjë masë shtrënguese.
Me përfundimin e procedurave administrative, protestuesit dolën nga Komisariati i Policisë Nr. 3 në Tiranë. Jashtë rrethimit të rajoneve i prisnin dhjetëra qytetarë dhe mbështetës, të cilët i përshëndetën me ovacione, thirrje dhe brohoritje.
