Një incident është regjistruar më 5 gusht mes të penduarit të drejtësisë, Nuredin Dumanit, dhe një prej efektivëve të Policisë së Mbrojtjes së Dëshmitarëve.
Sipas burimeve të gazetares Klodiana Lala, ngjarja ka ndodhur rreth orës 08:00 të mëngjesit, kur efektivi Rexhep Sina ka shkuar pranë të penduarit tjetër të drejtësisë, Erjon Alibej.
Të lidhura
None found
Prania e efektivit pranë Alibej dyshohet se ka nervozuar Dumanin, i cili më pas i ka hedhur kovën me ujë efektivit Sina, duke e goditur.
Pas incidentit, Rexhep Sina ka bërë kallëzim në Prokurorinë e Tiranës, duke kërkuar nisjen e procedurave për veprën penale “Goditje për shkak të detyrës”.
Ngjarja tashmë është në vëmendjen e autoriteteve, të cilat pritet të verifikojnë rrethanat dhe dinamikën e plotë të incidentit.
