Flakët përfshinë mbrëmjen e sotme fushën e Lazaratit në Gjirokastër, ndërsa njoftimi për incidentin mbërriti në orën 20:36 pas telefonatës së një qytetari.
Pas sinjalizimit, shërbimi i Drejtorisë së MZSH-së Gjirokastër dërgoi menjëherë grupin e shërbimit në vendngjarje. Zjarrfikësit konstatuan se vatra kishte marrë përmasa dhe se nevojitej reagim i shpejtë.
Të lidhura
None found
Për përballimin e situatës u angazhuan 3 grupe zjarrfikëse, të cilat punuan për izolimin e zjarrit dhe frenimin e përhapjes së tij.
Falë ndërhyrjes në kohë, flakët u vunë nën kontroll dhe zjarri u shua plotësisht në orën 21:50.
Ngjarja nuk ka shkaktuar dëme materiale. Reagimi i shpejtë i zjarrfikësve parandaloi përhapjen e zjarrit në sipërfaqe të tjera.
