Banorët e Divjakës vijuan për të 29-ën ditë protestën dhe qëndresën kundër projektit të reformës administrative territoriale të PS-së, që parashikon bashkimin e Bashkisë Divjakë me Lushnjen.
Folësja e vetme e protestës së sotme i cilësoi si një farsë dëgjesat e planifikuara nga Bashkia Divjakë dhe njësitë administrative.
Të lidhura
None found
“Në këtë fazë, këto dëgjesa nuk kanë më asnjë vlerë. Ato duhej të ishin zhvilluar përpara se projekti të parashikonte shkrirjen e Bashkisë Divjakë me Lushnjen, pasi mendimi i qytetarëve nuk është marrë në konsideratë”, deklaroi ajo.
Protesta përfundoi me një marshim në rrugët e qytetit, ku u bë thirrje për një pjesëmarrje më të gjerë. Gjatë tubimit u dëgjuan edhe slogane kundër qeverisë dhe kryeministrit Rama.
