Mesfushori anglez Curtis Jones ka zbritur në Milano, ku pritet të përmbyllë kalimin e tij te Interi dhe të bëhet afrimi më i ri i klubit zikaltër.
Futbollisti i Liverpoolit do të kryejë nesër, të premten më 21 korrik, ekzaminimet mjekësore të planifikuara nga Nerazzurrët.
Të lidhura
None found
Pas kontrolleve, Jones do të paraqitet në Qendrën e Mjekësisë Sportive CONI për të marrë certifikatën e përshtatshmërisë sportive. Hapi i fundit do të jetë firmosja e kontratës.
Marrëveshja mes Interit dhe Liverpoolit parashikon një tarifë fikse prej 30 milionë eurosh, ndërsa në paketë përfshihen edhe 4-5 milionë euro bonuse dhe 10 për qind e një shitjeje të ardhshme.
Klubi italian e kishte ndjekur mesfushorin që prej merkatos së janarit. Pas disa muajsh negociatash dhe pune, transferimi tashmë është arritur.
Gjatë kësaj vere, Interi ka siguruar gjithashtu shërbimet e Ivan Provedel, Alesandar Stankovic, John Stones dhe Djed Spence.
