Glen Daja është emëruar sot trajneri i ri i Elbasanit, ku do të zërë vendin e Ivan Gvozdenicit. Ish-ndihmësi i Dinamos hap kështu një etapë të re profesionale. Detyra e tij e parë është të përgatisë skuadrën për sfidën kundër Teutës, që zhvillohet të shtunën në orën 18:30.
Kalimi te verdheblutë ka edhe një domethënie të veçantë për familjen Daja. Babai i Glenit, Ilir Daja, me të cilin ai punoi te kryeqytetasit, ka drejtuar më parë Elbasanin.
Të lidhura
None found
Ilir Daja ishte në krye të skuadrës gjatë sezonit 2005/06, kur Elbasani u shpall kampion. Edhe ai e nisi atë përvojë në moshë të re dhe ajo i shërbeu si hap i rëndësishëm drejt suksesit. Sot, ai vlerësohet si një nga trajnerët më të mirë dhe më të respektuar të futbollit shqiptar.
Tashmë mbetet për t’u parë nëse Gleni do të ndjekë një rrugë të ngjashme me të atin. Historia e tyre lidhet jo vetëm nga familja, por edhe nga fillimet e karrierës, pasi Elbasani ishte një prej pikave të rëndësishme në rrugëtimin e Ilir Dajës. Për Glenin, ky kapitull i ri mund të jetë gjithashtu një hap drejt suksesit në Superiore.
