Pasditen e kësaj të enjteje, qytetaret do të mblidhen sërish përpara Kryeministrisë, duke shënuar ditën e 82-të të revoltës kundër qeverisë së Edi Ramës.
Ata qëndrojnë në shesh që prej fundit të muajit maj, ndërsa shprehen të vendosur se nuk do të largohen derisa kryeministri Rama të japë dorëheqjen, një nga 5 kërkesat e tyre të panegociueshme.
Të lidhura
None found
Protestuesit e akuzojnë atë për korrupsionin dhe keqqeverisjen, ndërsa theksojnë se po e trajton vendin si një biznes privat. Ata e kanë kallëzuar edhe në SPAK, duke kërkuar hetim për librin “Albanian Files”.
“Edi Rama jepe dorëheqjen”, “Rama në burg, Berisha në burg”, “Arrestoni Ramën, arrestoni Belindën”, “Ju erdhi fundi” janë disa nga thirrjet që tashmë kanë kthyer në refren.
Lëvizja qytetare nisi fillimisht për shkak të kundërshtive të projektit në zonën e mbrojtur në Zvërnec, por tashmë ka marrë përmasa më të gjera pasi qytetarët kërkojnë largimin e Ramës.
