“Shteti i vënë në funksion të Kanye West, madje edhe autobusët mbajnë emrin e tij, ndërsa transporti publik ka dështuar për shqiptarët”, aktivisti kundër: Të tregojmë se bashkë ia dalim. Rama jep dorëheqjen

Një qytetar, nga ambientet e kryeministrisë, nuk ngurroi të komentonte koncertin e Kenie West, që zhvillohet në të njëjtën kohë me protestën. Sipas tij, i gjithë shteti është rreshtuar në shërbim të tij, megjithatë numri i protestuesve mbetet më i madh se i atyre që kanë zgjedhur të marrin pjesë në koncert.

“Edhe një herë, të dëgjohen thirrjet deri te Casa Italia. Nuk e di nëse e keni vënë re, por i gjithë shteti është vënë në shërbim të Kenie West. Edhe autobusët kishin marrë emrin e Kenie West. Edhe autobusët që nuk vijnë kurrë për qytetarët.

Transporti publik që nuk është asnjëherë aty për qytetarët. Qeverisë sonë iu desh të paguajë 4 mln euro, por sërish, këtu te ne ka më shumë se atje. Në këtë shesh, ka njerëz të lirë, që këndojnë këngën e lirisë.