Policia e Kurbinit ka bërë të ditura disa prej rrethanave të atentatit me armë që ndodhi mbrëmjen e djeshme në qytet, ku objektiv i sulmit ishte 40-vjeçari Ilir Gjini. Sipas raportimit të gazetares Xhensila Kodra për BalkanWeb, Gjini përdorte edhe tre mbiemra të tjerë: alias Lika, alias Kokaj dhe alias Nure.
Kurbin / Informacion paraprak
Të lidhura
None found
Rreth orës 22:10, në qytetin e Kurbinit është qëlluar me armë zjarri ndaj shtetasit I.Gj alias I. L., alias I.K, alias I. N, rreth 40 vjeç. Ai u dërgua me urgjencë drejt Spitalit të Traumës, por ndërroi jetë gjatë rrugës.
Menjëherë pas njoftimit, forcat e Policisë kanë mbërritur në vendngjarje dhe po vijojnë kontrollet e shumta në zonë për të gjetur dhe arrestuar autorin ose autorët.
Në të njëjtën kohë, është ngritur grupi i posaçëm hetimor, i cili, nën drejtimin e Prokurorisë, po punon për të fiksuar çdo provë që mund t’i shërbejë hetimit, me synim zbardhjen dhe dokumentimin ligjor të ngjarjes, si edhe identifikimin dhe kapjen e autorit/autorëve.
