Pas dëmtimit të rëndë të Khvicha Kvaratskhelias, Paris Saint-Germain ka nisur të analizojë opsionet e mundshme në merkaton e transferimeve. Në mesin e emrave të konsideruar nga kampionët francezë raportohet edhe anësori maroken i Real Betisit, Ez Abde.
Kvaratskhelia pësoi këputje të ligamentit ACL gjatë ndeshjes së Ligës së Kampionëve kundër Barcelonës, dëmtim që pritet ta lërë jashtë fushës për disa muaj.
Të lidhura
None found
Përballë kësaj situate, trajneri Luis Enrique dhe drejtuesit e PSG-së po kërkojnë një përforcim të ri për repartin ofensiv.
Paraqitjet e Abdës me fanellën e Betisit kanë bërë që ai të tërheqë vëmendjen e klubit parisien.
Gjatë sezonit të kaluar, 24-vjeçari realizoi 15 gola dhe dha 13 asistime në 43 ndeshje. Në edicionin aktual 2026/27, ai ka shënuar tri gola në shtatë takime të kampionatit, ndërsa ka gjetur rrugën e rrjetës edhe në garat evropiane.
Megjithatë, arritja e një marrëveshjeje për transferimin e tij mund të jetë e komplikuar. Kontrata e Abdes me klubin spanjoll skadon në qershor të vitit 2029 dhe drejtuesit e Betisit nuk kanë ndërmend ta lejojnë largimin e tij me kushte të favorshme.
Sipas raportimeve, skuadra nga Sevilja do të kërkojë të paktën 55 milionë euro për ta lënë të lirë anësorin, një shifër që i afrohet klauzolës së lirimit prej 60 milionë eurosh.
