Armend Zemaj, deputet i zgjedhur i LDK-së, e ka pohuar se ka firmosur kërkesën për largimin e Lumir Abdixhikut nga posti i kryetarit të partisë.
Të lidhura
None found
Ai u shpreh pas mbledhjes së Kryesisë së LDK-së, duke bërë të ditur se edhe kjo çështje është shqyrtuar dhe se në takim janë paraqitur qëndrime të ndryshme.
Zemaj deklaroi se i përket një dege që, sipas tij, ka dhënë në mënyrë unanime mendimin se LDK-ja duhet të shkojë në zgjedhje të parakohshme dhe se duhet të ketë reflektim për procesin zgjedhor të qershorit në të gjitha strukturat e partisë.
“Unë i takoj një dege, e cila ka dhënë mendim unanim që duhet të ketë zgjedhje të parakohshme dhe duhet të ketë reflektim mbi procesin zgjedhor të qershorit në të gjitha strukturat e LDK-së. Jo vetëm që e kam nënshkruar, por janë më shumë se 150 nënshkrime që kanë kërkesë për Kuvend të jashtëzakonshëm të LDK-së.
Nuk kam njohuri a janë deponuar por ajo çka është edhe konfirmim dhe u debatua me seriozitetin më të madh, kishte edhe kërkesa që të mos ketë nevojë për zgjedhje të parakohshme, por kishe edhe mendime që të vazhdojë tutje kryetari i LDK-së”, tha Zemaj.
