Fluturimi i kompanisë “EasyJet” që ishte nisur nga Prishtina me destinacion Berlinin është rikthyer me urgjencë në Aeroportin Ndërkombëtar të Prishtinës, pasi dyshohet se një shqiponjë ka depërtuar në njërin prej motorëve të avionit.
Sipas dëshmisë së një pasagjeri që gjendej në bord, ngjarja ka ndodhur menjëherë pas ngritjes, në momentin kur zogu ka goditur motorin dhe i ka shkaktuar dëmtime turbinës.
Të lidhura
None found
Para se të ulej në mënyrë të sigurt në Prishtinë, avioni ka qëndruar rreth 20 minuta në ajër.
Pas aterrimit, udhëtimi drejt Berlinit është anuluar.
Pasagjeri ka treguar se situata ka mbetur nën kontroll gjatë gjithë kohës, falë profesionalizmit të pilotit, i cili e ktheu avionin në aeroport pa pasoja.
Deri më tani, nuk ka ende asnjë reagim zyrtar lidhur me këtë rast nga kompania ajrore EasyJet ose nga Aeroporti Ndërkombëtar i Prishtinës.
