Dita e 30-të e protestave kundër qeverisë, qytetarët mblidhen në Sheshin “Skënderbej” me thirrjet “Rama ik”

Protestat masive mbarëkombëtare kundër kryeministrit Edi Rama dhe qeverisë së tij kanë hyrë sot në ditën e 30-të.

Në Sheshin “Skënderbej” kanë filluar të mblidhen shumë qytetarë, të cilët po kërkojnë me thirrje të përbashkëta dorëheqjen e menjëhershme të kreut të qeverisë.

Pasi të përfundojë grumbullimi i parë, protestuesit do të nisen në marshim drejt bulevardit kryesor, për të vazhduar qëndresën dhe revoltën e tyre përpara godinës së Kryeministrisë.