Një ngjarje e rëndë është regjistruar mbrëmjen e kësaj të mërkure në Kavajë, ku një 74-vjeçar ka humbur jetën, pasi dyshohet se është goditur me thikë nga vëllai i tij 76-vjeçar.
Sipas njoftimit të policisë, rreth orës 20:30, në fshatin Agonas, dy vëllezërit ishin në arë duke mbledhur bazën ushqimore për blegtorinë, kur në rrethana që ende nuk janë sqaruar, shtetasi M. Rr., 76 vjeç, dyshohet se ka goditur me mjet prerës, thikë, vëllain e tij E. Rr., 74 vjeç.
Të lidhura
None found
Pas ngjarjes, i dëmtuari u dërgua me urgjencë për të marrë ndihmë mjekësore, por për shkak të plagëve të marra nuk arriti të mbijetonte dhe ndërroi jetë në spital.
Policia ka bërë të mundur kapjen dhe shoqërimin e autorit të dyshuar, ndërsa ndaj tij po kryhen veprimet e mëtejshme procedurale.
Nën drejtimin e Prokurorisë, grupi hetimor po vazhdon punën për të zbardhur plotësisht rrethanat e kësaj ngjarjeje dhe për dokumentimin e saj ligjor.
