Në një intervistë në Podcastin “Grida Duma Podcast” ka qenë e ftuar personazhi i njohur i showbizit Linda Rei, make up artistja transgjinore, ku jeta e saj është një trampolinë mes vendlindjes së saj, Shqipërisë dhe jetës së saj në Itali.
Ajo ka rrëfyer kalvarin e vështirësive që ka hasur në Itali, teksa ka përmendur që një nga periudhat e saja më të vështira në Firenze, ku varfëria atëhere diktonte jetesën e saj.
Në rrëfimin e saj të sinqertë, Linda Rei ka treguar se si me vetëm 13 euro në xhep, është detyruar të fle në metrot e Firenzes, duke u shprehur se ishte mënyra e saj për të qenë vetvetja edhe pse në varfëri.
Një periudhë e cila është përshkruar nga ajo si tepër e vështirë pasi ka përjetuar braktisje dhe jetesa vetëm aso kohe ka shënjuar përjetime që transgjinorja nuk dëshiron t’i rikthehet më kurrë.
“Kam pasur vetëm 13 euro dhe 80 cent në xhep, edhe për katër netë rreshtë kam fjetur në bankinat e stacionit në Firenze.”- ka treguar ajo.
