Inter Majemi i Lionel Mesit, mposhti New York City FC me rezultatin 5-1 në finalen e Konferencës Lindore duke ngritur lart trofeun dhe kështu duke u kualifikuar në finalen e Kampionatit të Futbollit të Amerikës së Veriut (MLS).
Ekipi nga Florida do të synojë titullin më 6 dhjetor, duke pritur Vancouver Whitecaps të Tomas Mylerit, të cilët mposhtën San Diego FC 3-1 dhe fituan Kupën Perëndimore.
Argjentinasi Tadeo Alende, shënoi një tregolësh (14′, 23′, 89′), i kompletuar nga golat e Mateo Silveti (67′), me asist nga Mesi dhe Telasko Segovia (83′) ndërsa Justin Hak (37′) shënoi golin e ngushëllimit për miqtë.
Kështu Mesi do të ketë mundësinë javën e ardhshme të fitojë kampionatin e Amerikës së Veriut për herë të parë, pas dhjetë titujve në Spanjë me Barcelonën dhe dy në Francë me Paris Saint-Germain.
