Reshjet e dendura të shiut/ Përmbytet lagjja “Beslidhja” në Lezhë, hera e dytë brenda 10 ditësh

Reshjet e dendura të shiut, kanë shkaktuar përmbytje në lagjjen “Besëlidhja” në Lezhë.

Uji ka arritur në disa centimetra lartësi, duke vështirësuar lëvizjen e këmbësorëve dhe qarkullimin e automjeteve në rrugët kryesore të lagjes.

Kjo është hera e dytë brenda 10 ditëve që lagjja “Besëlidhja” përmbytet, duke shtuar shqetësimet e komunitetit për mungesë të infrastrukturës së duhur të drenazhimit dhe përballjen e vështirë me reshjet intensive.