Është qëlluar me armë zjarri rreth ores 01:30 të mëngjesit një lokal në Fushë Krujë, i cili rezulton të jetë në posedim të Mondi Vogës, i cili më parë ka shërbyer si shofer i ish-prokurorit të Durrësit, Arjan Ndoja.
Persona ende të paidentifikuar kanë qëlluar me armë, teksa plumbat kanë prekur ambientet e jashtme të lokalit.
Mondi Voga pak vite më parë u procedua dhe dënua dhe për dhunën e ushtruar ndaj avokatit Ilia Ilia në Durrës.
Ngjarja në fjalë, ndodhi përballë Gjykatës së Durrësit dhe u regjistrua nga kemarat e sigurisë. Pamjet ku Voga, së bashku me një tjetër personin dhunonin avokatin Ilia bënë xhiron e mediave në atë kohë.
Deri në këtë fazë të hetimit nuk dihen me saktësi rrethanat dhe motivet e godistjes me armë të fasadës së lokalit të Mond Vogës.
